Vel heppnað skíðagöngunámskeið

Um liðna helgi stóð skíðagöngudeild Völsungs fyrir skíðagöngunámskeiði fyrir bæði byrjendur og lengra komna. Kennari á námskeiðinu var Einar Ólafsson, tvöfaldur ólympíufari í skíðagöngu.

Um var að ræða tvö námskeið, annað fyrir byrjendur og hitt fyrir lengra komna. Virkilega góð mæting var á námskeiðin en 50 einstaklingar mættu á námskeiðin. Í heildina voru þetta fimm skipti auk þess sem farið var yfir brautlagningu í kringum og ofan við skála skíðagöngudeildarinnar við Reyðarárhnjúk.

Fram kemur á fésbókarsíðu skíðagöngudeildarinnar að miklar framfarir hafi verið sýnilegar hjá öllum þátttakendum og var mikil ánægja með leiðbeinandann Einar Ólafsson. Að lokum var boðið upp á heitt kakó í aðstöðuskúrum skíðagöngudeildarinnar á félagssvæði deildarinnar við Reyðarárhnjúk.

Myndir frá námskeiðinu má finna inná fésbókarsíðu skíðagöngudeildarinnar undir nafninu skíðagöngudeild Völsungs eða með því að smella HÉR. 

Með því að smella á myndina má sjá hana stærri.