Íþróttafélagið Völsungur

Ásrún Ósk Einarsdóttir hefur verið valin á úrtökumót fyrir stúlkur fæddar 1995. Mótið verður á Laugarvatni um helgina, þar verður æft og spilaðir tveir leikir. Við óskum Ásrúnu til hamingju og vonum að henni gangi vel um helgina.

Haffi og félagar unnu síðasta leikinn gegn skotum í vítaspyrnukeppni. Haffi kom inná vinstri kantinn þegar um 20 min voru eftir í stöðunni 1-0 fyrir skota. Okkar menn jöfnuðu svo eftir þetta og unnu 7-6 í vítaspyrnukeppni. Haffi var einn af vítaskyttunum, fór yfirvegaður á punktinn og skoraði stöngin inn niðri við jörð, algjörlega óverjandi fyrir markmanninn. Flottur árangur hjá kappanum og 4 landsleikir komnir í reynslubankann fyrir framtíðina.

Strákarnir í U-17 liðinu mæta skotum í leik um 6. sætið í norðurlandamótinu á morgun sunnudag kl. 08:30 að íslenskum tíma. Við óskum þeim góðs gengis og vonum að Haffi verði í byrjunarliðinu.

Haffi spilaði 60 mínútur í leiknum í dag og stóð sig vel samkvæmt okkar heimildum. Hér að neðan fylgir umfjöllun af www.ksi.is um leikinn.

 

Lesa meira

Haffi Alla kom inná á 60. mínútu í 2-1 sigri á Finnum í gær. Haffi var á vinstri kantinum eftir að hann kom inná og komst að eigin sögn ágætlega frá því. Gaman er að segja frá því að í finnska liðinu er drengur að nafni Daniel sem æfði hér í vetur með okkur þegar hann var í vinabæjarheimsókn.
Á morgun leika strákarnir gegn Englendingum sem hafa unnið báða sína leiki til þessa og verður Haffi í byrjunarliðinu í þeim leik. Við óskum strákunum góðs gengis í leiknum. :)!! <3<3