Stefnur, áætlanir og lög

 Stefna íþróttafélagsins Völsungs varðandi jafnrétti kynþátta

Eftirfarandi stefnuviðmið eiga við allar deildir innan Íþróttafélagsins Völsungs.

Íþróttir fyrir alla!!!

Íþróttafélagið Völsungur leggur áherslu á jafnrétti og að allir geti stundað og tekið þátt í því starfi sem fer fram undir merkjum Íþróttafélagsins Völsungs.

Mismunun á kynþáttum, trúarbrögðum, skoðunum, fötlun, efnahag eða öðru er eitthvað sem ekki viðgengst innan Íþróttafélagsins Völsungs og er tekið fast á öllum málum sem kunna að koma upp þess efnis.  

Íþróttafélagið Völsungur hvetur alla iðkendur, foreldra, þjálfara og aðra félagsmenn að vera háttvís í sinni framkomu og koma fram að heiðarleika og kurteisi.

Einelti er ekki liðið innan Íþróttafélagsins Völsungs. Komi slík mál upp innan félagsins er það litið alvarlegum augum og tekið á þeim tafarlaust með aðstoð fagaðila.

Íþróttir eiga að vera til sameiningar en ekki sundrunar.

Æskulýðsvetvangurinn
Æskulýðsvettvangurinn vinnur að sameiginlegum hagsmunamálum barna og ungmenna í íþrótta- og æskulýðsstarfi

Æskulýðsvettvangurinn er samstarfsvettvangur Bandalags íslenskra skáta, KFUM og KFUK á Íslandi, Slysavarnafélagsins Landsbjargar og Ungmennafélags Íslands.

Völsungur notast við æskulýðsvetvanginn þegar kemur að verkferlum við ýmis mál er upp kunna að koma. Þar er einnig hægt að tilkynna atvik sem koma upp í starfi félagsing. MEð því að smella HÉR kemstu inná Æskulýðsvetvanginn.