Húsavíkurmótið í handbolta

Um helgina fer fram hið árlega Húsavíkurmót í handbolta í íþróttahöllinni á Húsavík. Mótið hefst á laugardaginn kemur klukkan 08:00 og er leikið fram yfir kvöldmat. Mótið klárast síðan í hádeginu á sunnudag.

Mótið er haldið fyrir iðkendur í 6. flokki kvenna eldra ár og er liður í Íslandsmóti HSÍ. Að þessu sinni eru 29 lið skráð til leiks frá 17 félögum og eru í heildina 215 iðkendur sem munu leika handbolta í höllinni um helgina. Það má því búast við um 300 manns í bæinn um helgina í tengslum við mótið.

Eins og fyrr segir hefst mótið á laugardaginn klukkan 08:00 og er leikið fram til 19:30. Á sunnudeginum hefjast leikar klukkan 09:00 og verður mótið búið klukkan 12:00. Leikið verður á tveimur völlum í höllinni.

Að neðan má sjá leikjaplan fyrir mótið. Með því að smella á leikjaplanið má sjá það stærra.