5. flokkur á Seltjarnarnesi

Níu drengir úr 5. flokk karla í handknattleik ásamt þjálfurum og farastjóra héldu suður um heiðar um liðna helgi, 13.-14. nóvember, og kepptu á móti sem haldið var af Gróttu á Seltjarnarnesi. Mótið var liður í Íslandsmóti sem flokkurinn tekur þátt í, en að þessu sinni var liðið í 4. deild.

Skemmst er frá því að segja að strákarnir hafi staðið sig vel, þeir unnu alla sína leiki og enduðu í efsta sæti 4. deildar. Þar með tryggðu þeir sér þátttökurétt í 3. deild á næsta móti.

Mynd af liðinu ásamt þjálfurum má sjá að neðan. Með því að smella á myndina má sjá hana stærri.