Íþróttafélagið Völsungur

4. flokkur karla spilaði 2 leiki í Reykjavík um helgina í Íslandsmótinu í Handknattleik.

Völsungar spiluðu við ÍR á föstudagskvöldið í hörkuleik, okkar menn höfðu að lokum sigur eftir mikla baráttu á lokamínutum leiksins. Þegar rúmlega 1 mínúta var eftir af leiknum höfðu ÍR-ingar 2ja marka forystu en Völsungum tókst með mikilli baráttu að jafna og skora sigurmarkið úr vítakasti þegar örfáar sekuntur voru til leiksloka. Lokatölur 22-21 fyrir Völsunga.

Á laugardegi var leikið gegn gamla stórveldinu Víkingi, skemmst er frá því að segja að okkar menn höfðu nokkra yfirburði og voru 15-7 yfir í hálfleik og sigruðu að lokum með 26 mörkum gegn 17 mörkum heimamanna.

Völsungar allir að standa sig vel og miklar framfarir í hópnum.

Liðið hefur nú leikið 3 leiki í Íslandsmótinu og allir hafa þeir unnist sem er frábær árangur.

Hér er hægt að fylgjast með stöðunni í deildinni og næstu leikjum, http://hsi.is/Motamal/mot_0800002046.htm

4 flokkur drengja heldur til Reykjavíkur um komandi helgi og etur kappi við Gróttu 2 og Víking í Íslandsmótinu.

Leikið verður við Gróttu 2 á föstudagskvöldi og á laugardegi við Víkinga.

Mótið byrjaði vel þegar sigur vannst á KA 2 á Húsavík í fyrsta leik, úrslit urðu 31-20 Völsungi í vil og því hófst mótið mjög vel fyrir okkar menn.

Heimasíðan óskar okkar drengjunum góðs gengis um helgina.

Fimmtudaginn 10 Nóvember spilar 4.flokkur karla sinn fyrsta leik í Íslandsmótinu í Handknattleik. Leikið verður gegn KA 3 og hefst leikurinn í íþróttahöllinni á Húsavík kl 19:00.

Ekki er langt síðan liðið lék gegn KA 1 í bikarkeppni HSÍ og tapaðist sá leikur með 7 marka mun.

Fólk er hvatt til að fjölmenna og styðja drengina í kvöld.

Sunnudaginn 23. Október spilaði lið Völsungs við úrvalsdeildarlið Gróttu í Bikarkeppni Handknattleikssambandsins.

Gróttumenn mættu til Húsavíkur með sitt sterkasta lið og unnu nokkuð auðveldan sigur á baráttuglöðum Völlurum. Leikurinn var hin besta skemmtun og mætti nokkur fjöldi áhorfenda til að styðja heimamenn.

Lið Völsungs er lið kynslóðanna og má í því nefna að 2 pör feðga spila með liðinu, Jói Páls og Aðalbjörn og Diddi Dabba og Jón Ásþór. Í leiknum gegn Gróttu var um 30. ára aldursmunur á elsta og yngsta leikmanni Völsungs.

Næsti leikur í utandeildarkeppninni er við Gróttu og verður hann spilaður Laugardaginn 5. Nóvember kl 15:00

Á dögunum spilaði meistaraflokkur Völsungs 2. fyrstu leikina á keppnistímabilinu 2011-2012.

Spilað var við lið HP á föstudagskvöldi og tapaðist sá leikur með 1. marks mun. Leikurinn var jafn og þótt okkar mönnum halla verulega á sig í dómgæslunni og endaði þetta með því að leikurinn sem hafði verið í járnum allan tímann tapaðist.

Laugardagsleikurinn var leikur gegn Gróttu X, það lið reyndist mun sterkara en lið HP og tapaðist leikurinn með þónokkrum mun. Það sama var uppá teningnum í þeim leik og í leiknum gegn HP, dómgæslan var slöpp en að sögn manna tapaðist leikurinn gegn Gróttu X ekki vegna dómgæslunnar þó hún hafi verið slöpp.

 Næsti leikur er gegn liði ÍR sem spilaður verður á Húsavík Laugardaginn 5 Nóvember kl 15:00.

 Allir á völlinn og styðja Völlara til sigurs